"Green Dimension of Urban Development"

სხვა საკითხია, რამდენად შესაძლებელია ამ თეორიული პერსპექტივის საქართველოს რეალობაზე გადმოტანა. საკითხი ასე შეიძლება დაისვას, უზრუნველყოფს თუ არა ურბანული განვითარების ჩვენეული პრაქტიკა სხვადასხვა კომერციულ, ინსტიტუციურ/პოლიტიკურ, სათემო ინტერესებს შორის ბალანსს ისე, რომ შესაძლებელი იყოს მის მდგრადობაზე საუბარი?
აქ მრავალი სხვა კითხვა წარმოიშობა როგორიცაა:
• როგორია ქუჩების დატვირთვა და რამდენად წახალისებულია კერძო ავტოტრანსპორტის მოხმარების შეზრუდვა (მიწის გამოყენების ზონირების, საზოგადოებრივი ტრანსპორტის, ველობილიკების, საფეხმავლო ქუჩების სისტემების განვითარების საშუალებით)?
• როგორ რეგულირდება მასშტაბური კომერციული და სახელმწიფო ინფრასტრუქტურული პროექტები, რამდენად პლურალურია გადაწყვეტილების მიღების პროცედურები, რომ სათანადოდ იქნას ასახული ადგილობრივი თემის ინტერესები?
• რა მიდგომა არსებობს და როგორ იცავს სახელმწიფო ან თემი ქალაქის მწვანე საფარს კომერციული ან კერძო ინტერესისგან (სტიქიური მიწათსარგებლობა, ბინათმშენებლობა)?
• მშენებლობის რა სტანდარტები არსებობს ან საჭიროა, რომლებიც ადამიანის ცხოვრების ჯანსაღ გარემოს უზრუნველყოფს?
• მდგრადი ზონირების რა პრაქტიკა არსებობს საქართველოში ან რა პრობლემები უშლის ხელს მის დანერგვას ქალაქის მმართველობაში?
• არსებობს თუ არა ხედვა მიტოვებული ინდუსტრიული ზონების ხელახალ/მეორეულ განვითარებასთან დაკავშირებით და თუ მათ მიმართ უკვე გამოკვეთილი ბიზნეს ინტერესები მოცემულია, რამდენად ძალმოსილია ადგილობრივი თემები ან ადგილობრივი მთავრობები, მათ განვითარებაში ჩაერიონ და საზოგადოებრივი ინტერესიდან გამომდინარე დაგეგმონ/წარმართონ?
• როგორია ქალაქის ცენტრის განვითარების სტრატეგია და მოიცავს თუ არა იგი კულტურული მემკვიდრეობის შენარჩუნებას და ამ რესურსის განვითარებას?
• როგორ აღიქმება და გაიგება ღია სივრცეების, მდგრადი პეიზაჟების და შენობების საკითხი ურბანული განვითრების კონტექსტში და რა ადგილი უჭირავთ ან უნდა ეჭიროს ქალაქის მართვაში ამ პრინციპებს?